DİNİ QURUMLARLA İŞ ÜZRƏ DÖVLƏT KOMİTƏSİNDƏ GÖRÜŞ
Görüşdə ölkəmizdə dinin hazırkı durumu, bu sahədəki problemlər, bir sıra kütləvi informasiya vasitələrinin gündəmə gətirdiyi uydurma İslam inqilabı, radikalyönlü dini qruplaşmaların formalaşması və sair məsələlər barədə ətraflı söhbət getmişdir.
Dövlətimizin din sahəsində siyasəti barədə qonağa geniş məlumat verən komitə sədri bildirmişdir ki, Azərbaycanda ekstremist-radikal yönümlü dini qruplaşmalar yoxdur, ona görə ki, dövlət bu məsələni ciddi nəzarətdə saxlayır. Ölkəmizdə hər hansı bir inqilab, o cümlədən İslam inqilabı mümkünsüzdür.
R.Əliyevin fikirlərini razılıqla qarşılayan Pol Narayn son zamanlar yerli mətbuatda müxtəlif təhlükəli dini qruplaşmaların formalaşması ilə bağlı fikirlərə rast gəldiyini və bunların həqiqətən də narahatlıq doğurduğunu bildirmişdir.
Qonağın diqqətinə çatdırılmışdır ki, bunlar heç bir əsası olmayan şayiələrdir.
Görüşdə qarşılıqlı maraq doğuran bir sıra məsələlər də müzakirə olunmuşdur.
Bölmənin digər xəbərləri
