“Direktorlar klubu” çərçivəsində “Məsləhətli saat” proqramının növbəti buraxılışı yayımlanacaq
Bakı, 31 may, AZƏRTAC
İyunun 1-i saat 19:00-da “Direktorlar klubu” çərçivəsində “Məsləhətli saat” proqramının növbəti buraxılışı yayımlanacaq.
“T-Network”dan AZƏRTAC-a bildirilib ki, budəfəki proqramda Bakı şəhəri 214 nömrəli məktəbin direktoru Fəttah Fəttayev və 82 nömrəli məktəbin direktoru Leyla Fətiyeva ilə monitorinq barədə danışılacaq.
Proqram hər həftənin çərşənbə axşamı “T-Network”un feysbuk səhifəsi üzərindən Təhsil Nazirliyi yanında İctimai Şuranın üzvü, Əməkdar müəllim Asif Cahangirovun təqdimatında yayımlanır.
Qeyd edək ki, “Direktorlar klubu” Təhsil Nazirliyinin dəstəyi, “T-Network” təhsil işçilərinin təcrübə və kommunikasiya platforması, Təhsil İdarəçiləri Assosiasiyasının təşkilatçılığı və “Kapital Bank”ın baş sponsorluğu ilə yaradılıb.
Bölmənin digər xəbərləri
