Dondurulmuş məhsullar qida dəyərini itirir?
Bakı, 18 may, AZƏRTAC
Azərbaycan Qida Təhlükəsizliyi İnstitutunun (AQTİ) “Qida mifləri” rubrikasının budəfəki buraxılışında dondurulmuş meyvə və tərəvəzlərin faydasız olması ilə bağlı mövcud fikirlərə aydınlıq gətirilib.
Bu barədə AZƏRTAC-a AQTİ-nin İctimaiyyətlə əlaqələr şöbəsindən məlumat verilib.
İnstitutun mütəxəssisləri bildiriblər ki, dondurulmuş meyvə və tərəvəzlərin faydasız olması ilə bağlı fikirlər elmi baxımdan təsdiqlənmir. Belə ki, sürətli dondurma (IQF) texnologiyası məhsulların vitamin və mineral tərkibinin böyük hissəsini qorumağa imkan verir. Bəzi həssas vitaminlərdə müəyyən azalmalar mümkün olsa da, bu yalnız dondurma ilə deyil, emal, saxlanma və bişirmə üsulları ilə də əlaqəlidir. Digər tərəfdən, uzun müddət saxlanılan “təzə” məhsullarda da qida dəyərinin azalması baş verə bilər.
Daha ətraflı məlumat üçün linkə keçid etmək olar.
Bölmənin digər xəbərləri
