DÖVLƏT BÜDCƏSİNDƏN 4 MİLYARD MANAT VƏSAİT ÖDƏNİLMİŞDİR
Daşqınların vurduğu ziyanın aradan qaldırılması üçün Azərbaycana Yaponiya hökuməti tərəfindən 80 min dollar yardım göstəriləcəkdir. Fövqəladə Hallar üzrə Dövlət Komissiyasından müxbirimizə bildirmişlər ki, ABŞ səfirliyi tərəfindən artıq 25 min dollar ayrılmış, daşqınlardan daha ciddi zərər çəkənlərin böyük hissəsinə kompensasiya verilmişdir. Bu günədək dövlət büdcəsi hesabına 4 milyard manat kompensasiya ödənilmiş, 164 ev sahibi vəsait almışdır. Dəyən zərərin dərəcəsindən asılı olaraq, hər adama 100 min manatdan 5 milyon manatadək kompensasiya verilir. Azərbaycan hökuməti daşqınların və sellərin respublikaya vurduğu zərərin aradan qaldırılması və həmçinin yeni təbii fəlakətlərin qarşısının alınması üçün Avropa Komissiyasına, Dünya Bankına, Asiya İnkişaf Bankına, həmçinin ABŞ, Norveç, Yaponiya və ərəb ölkələrinin hökumətlərinə müraciət etmişdir.
