DÖVLƏT DƏMİR YOLU AVQUSTDA SƏRNİŞİNLƏRİN SAYININ ARTACAĞINI PROQNOZLAŞDIRIR
Azərbaycan Dövlət Dəmir Yolunun (ADDY) mətbuat xidmətindən AZƏRTAC-a bildirmişlər ki, avqustda dəmir yolundan istifadə edən sərnişinlərin sayının artacağı proqnozlaşdırılır.
Dəmir yolunda qiymətlər əlverişli olduğu üçün respublika daxilində hərəkət edən sərnişinlər nəqliyyatın bu növünə daha çox üstünlük verirlər. Yaranan sərnişin sıxlığını aradan qaldırmaq üçün DDY qatarlara əlavə vaqonlar qoşur.
Məlumatda bildirilir ki, qatarlara qoşulan əlavə vaqonların sayı tələbatdan asılı olaraq müəyyən edilir.
Bundan başqa, Dövlət Dəmir Yolu xüsusilə isti günlərdə gücləndirilmiş iş rejiminə keçmişdir. İsti hava şəraitində yanğın təhlükəsinin qarşısını almaq məqsədi ilə qatarlara və dəmir yolu xətlərinə mütəmadi olaraq texniki baxış keçirilir.
Bölmənin digər xəbərləri
