DÖVLƏT FİLM FONDUNUN “XƏZİNƏSİ” ZƏNGİNLƏŞİR
Dövlət Film Fondundan AZƏRTAC-a verilən məlumata görə, görkəmli Azərbaycan bəstəkarı Fikrət Əmirovun 70-ə yaxın fotoşəkli bu struktura verilmişdir. Bəstəkarın həyatının müxtəlif dövrlərini əks etdirən foto sənədlər Beynəlxalq Arxivlər Federasiyasından daxil olmuşdur.
Görkəmli bəstəkarın yaradıcılığı həm Azərbaycanda, həm də onun hüdudlarından çox-çox uzaqlarda geniş şöhrət tapmışdır. Onun yaradıcılığı musiqi sənətinin ən müxtəlif janrlarını əhatə edir. Fikrət Əmirovun operası, baletləri və simfonik muğamları musiqisevərlərin rəğbətini qazanmışdır.
Bəstəkarın “Şur” və “Kürd ovşarı” simfonik muğamları ən məşhur konsert salonlarında böyük uğurla ifa edilir. Dram tamaşalarına və kinofilmlərə musiqi bəstələmiş F.Əmirov balet sənəti sahəsində də çox iş görmüşdür. Onun son əsəri “Nizami” baleti olmuşdur.
Bölmənin digər xəbərləri
