Dövlət Miqrasiya Xidməti Qobustanda maarifləndirmə tədbiri keçirib
Bakı, 10 avqust, AZƏRTAC
Ağsu regional miqrasiya idarəsi tərəfindən Qobustanda “Əcnəbilər və vətəndaşlığı olmayan şəxslər arasında insan alverinin qarşısının alınması” və “Vətəndaşsızlıq hallarının aradan qaldırılması” mövzularında onlayn maarifləndirmə tədbiri keçirilib.
Dövlət Miqrasiya Xidmətindən AZƏRTAC-a bildiriblər ki, tədbir iştirakçılarına insan alverinin və qanunsuz miqrasiyanın mahiyyəti, doğurduğu təhlükələr, bu istiqamətdə dövlət tərəfindən təmin edilən müdafiə tədbirləri barədə ətraflı məlumat verilib. Vətəndaşsızlıq hallarının aradan qaldırılması istiqamətində Dövlət Miqrasiya Xidmətinin həyata keçirdiyi kompleks layihələr barədə məlumatlar iştirakçılar tərəfindən maraqla qarşılanıb.
Sonda iştirakçıları maraqlandıran suallar cavablandırılıb.
Bölmənin digər xəbərləri
