Dövlət qulluğu üzrə müsahibə davam edir: 11 nəfər vəzifəyə uyğun bilinib
Bakı, 23 yanvar, AZƏRTAC
Dövlət İmtahan Mərkəzi (DİM) tərəfindən ötən il noyabrın 27-də elan olunmuş 8 dövlət orqanında inzibati vəzifələrin 3-7-ci təsnifatına uyğun vəzifələrin A və B növü üzrə ümumi müsahibə davam edir.
DİM-dən AZƏRTAC-a bildiriblər ki, yanvarın 23-nə olan məlumata görə, müsahibədə iştirak edən 11 nəfər vəzifəyə uyğun bilinib. Onlardan 7-si Əmək və Əhalinin Sosial Müdafiəsi Nazirliyində, 4-ü isə Dövlət Turizm Agentliyində işləyəcək.
Elana çıxarılan vəzifələr mərkəzi icra hakimiyyəti orqanlarının aparatlarında və onların tabeliyində olan qurumlarda, yerli bölmələrdə, həmçinin məhkəmə orqanlarında olmaqla 46-sı dövlət qulluğu vəzifələrinin A növünə (inzibati rəhbər), 18-i isə B növünə (inzibati icraçı) aiddir.
Qeyd edək ki, müsahibə yanvarın 31-də yekunlaşacaq.
Bölmənin digər xəbərləri
