DÖVLƏT SƏRHƏD XİDMƏTİ ƏMƏKDAŞLARI ÜÇÜN TRENİNQ KEÇİRİLMİŞDİR
BMT-nin Qaçqınlar üzrə Ali Komissarlığının Azərbaycandakı Nümayəndəliyinin təşəbbüsü ilə Binə hava limanında qaçqınlar və sığınacaq axtaran şəxslərə aid qanunvericilik sahəsində treninq kursları başa çatmışdır. Dövlət Sərhəd Xidmətinin (DSX) əməkdaşları üçün nəzərdə tutulmuş kurslarda BMT QAK-ın hüquqşünasları ilə yanaşı Dövlətqaçqınkomun Qaçqın Statusunun Müəyyənləşdirilməsi (QSM) Departamentinin əməkdaşları çıxış etmişlər. Kurslarda DSX-nin əməkdaşları qaçqınlar və sığınacaq axtaran şəxslərlə bağlı milli və beynəlxalq qanunvericiliklə tanış edilmiş, həmçinin “Qaçqın statusu verilməsi haqqında vəsatətə baxılması qaydasının təsdiq edilməsi barədə” Azərbaycan Respublikası Prezidentinin 2000-ci il 13 noyabr tarixli Fərmanı barədə məlumatlandırılmış, QSM prosedurunda qeyd olunan mərhələlər və bu sahədə əməkdaşlıq barədə fikir mübadiləsi aparılmışdır.
Bölmənin digər xəbərləri
