DÜNYA DƏRMAN BAZARINDA TÜRKİYƏNİN ROLU ARTIR
AZƏRTAC İTAR-TASS-a istinadla xəbər verir ki, məruzəyə görə, ABŞ-da dərman bazarının artımı və onun dünya dərman bazarında rolu təxminən 2 dəfə azalmışdır. Eyni zamanda, sənayecə inkişaf etməkdə olan ölkələrin bazarı 2001-2005-ci illərdə 6 dəfə artmışdır.
2005-ci ildə dünyanın 10 iri əczaçılıq firmasının reytinqi dəyişməmişdir. Siyahıda, əvvəlki kimi, birinci yeri ABŞ-ın “Pfayzer”, ikinci yeri Britaniyanın “Qlakso Smit Klayn”, üçüncü yeri Fransanın “Sanofi-Avantis” konsernləri tuturlar.
Bazarın inkişafını, əsasən, kiçik əczaçılıq firmaları təmin etmişlər. Onların dünya dərman bazarının inkişafında payı 56 faiz, iri korporasiyaların payı isə cəmi 21 faizdir.
Dünya bazarına yeni dərman preparatlarının buraxılması son üç ildə sabit qalmışdır. Hər il, orta hesabla 30 yeni dərman buraxılır.
Ekspertlərin fikrincə, yaxın illərdə dərman bazarında Türkiyənin və Çinin rolu getdikcə artacaqdır. İspaniya və Kanada isə, əksinə, mövqelərini itirirlər.
Bölmənin digər xəbərləri
