Dünya Kuboku: Azərbaycanın qılıncoynatma yığması 9-cu yeri tutub
Bakı, 13 sentyabr, AZƏRTAC
Qılıncoynatmanın sablya növü üzrə qadınlardan ibarət Azərbaycan milli komandası Əlcəzairdə keçirilən Dünya Kubokunun mərhələ yarışında çıxışını başa vurub.
Azərbaycan Qılıncoynatma Federasiyasının mətbuat xidmətindən AZƏRTAC-a bildiriblər ki, Anna Başta, Səbinə Kərimova, Palina Kaspiaroviç və Valeriya Bolşakovadan ibarət kollektiv qadın sablyaçıların komanda yarışında 9-cu olub.
Ən güclü “səkkizliy”ə yüksəlmək uğrunda keçirilən görüşdə Yaponiya seçməsinə 36:45 hesabı ilə məğlub olan sablyaçılar doqquzuncu yer uğrunda keçirilən görüşlərdə Rumıniya (45:37), Çin (45:44) və Polşa yığmasına (45:40) qalib gəlib.
Qadın sablyaçıların şəxsi yarışında isə yalnız Valeriya Bolşakova ən güclü “32-liy”ə yüksəlməyi bacarıb.
Bölmənin digər xəbərləri
