DÜNYA SƏHİYYƏ TƏŞKİLATI AZƏRBAYCANIN UĞURLARINI TƏQDİR EDİR
DST-nin Bakı nümayəndəliyindən AZƏRTAC-ın müxbirinə bildirmişlər ki, sessiyanın işində həmin regional büronun üzvü olan 53 ölkənin səhiyyə nazirləri, habelə DST-nin yerli nümayəndəliklərinin rəhbərləri iştirak etmişlər. Məclisdə Azərbaycanı səhiyyə naziri Əli İnsanov təmsil etmişdir. İştirakçılar arasında DST-nin Bakı nümayəndəliyinin rəhbəri Fərman Abdullayev də olmuşdur.
Sessiyada Avropada uşaqların və yeniyetmələrin səhhəti, əhalinin psixoloji sağlamlığı məsələləri nəzərdən keçirilmiş, DST-nin “Hamı üçün sağlamlıq” proqramının yerinə yetirilməsinin gedişi barədə Avropa Ətraf Mühit və Sağlamlığın Qorunması Komitəsinin hesabatı dinlənilmişdir.
Əli İnsanov respublikamızda səhiyyənin vəziyyəti haqqında məruzə edərək, poliomielitin kökünün kəsilməsində, vərəmlə mübarizədə Azərbaycan həkimlərinin qazandıqları nailiyyətlərdən danışmışdır. O, Azərbaycana həmişə hərtərəfli yardım göstərən DST-nin bu prosesdə böyük rol oynadığını vurğulamışdır.
Bölmənin digər xəbərləri
