DÜNYA ŞÖHRƏTLİ ALİM İHSAN DOĞRAMACIPREZİDENT HEYDƏR ƏLİYEVİN DƏFN MƏRASİMİNDƏ İŞTİRAK ETMİŞDİR

16.12.2003 [02:40]
Çap et
A⁺ A^-

Dünya şöhrətli alim, məşhur həkim, Türkiyənin Bilkənd Universitetinin qurucusu, professor İhsan Doğramacı özünün böyük dostu, xalqımızın ümummilli lideri Heydər Əliyevin dəfn mərasimində iştirak etmək üçün dekabrın 15-də xanımı ilə birlikdə Bakıya gəlmişdir.

Cənab İhsan Doğramacı yaşının ixtiyar çağında uzaq bir yol qət edərək, ağır və kədərli günümüzdə Prezidentimiz Heydər Əliyevə dostluq sədaqətini bir daha nümayiş etdirmişdir.

Professor İhsan Doğramacı və xanımı əziz, unudulmaz Heydər Əliyevlə vidalaşmaq üçün mərasimin keçirildiyi Respublika sarayına gəlmişdir. Onun adından əziz dostu Heydər Əliyevin cənazəsi önünə əklil qoyulmuşdur.

Türk dünyasının lideri Heydər Əliyevə sonsuz ehtiram əlaməti olaraq onun cənazəsi önündə baş əyən cənab İhsan Doğramacı sonra Azərbaycan Prezidenti İlham Əliyevə dərin hüznlə başsağlığı vermişdir.

Həmin gün İhsan Doğramacı və xanımı Türkiyəyə qayıtmışlar.