“DÜNYA VƏTƏNDAŞI” SƏNƏDLİ FİLMİNİN İSTEHSALI BAŞA ÇATMIŞDIR
AZƏRTAC Azərbaycan Televiziya və Radio Verilişləri QSC-nin mətbuat xidmətinə istinadla xəbər verir ki, burada görkəmli kristalloqraf alim, filosof, ədəbiyyatçı Xudu Məmmədovun həyat və yaradıcılığından bəhs edən “Dünya vətəndaşı” adlı sənədli filmin istehsalı başa çatmışdır.
Rəhman Babaxanlının və Eldar İsgəndərzadənin ssenarisi əsasında rejissor Şahəddin Elxan Mailoğlunun quruluşunda lentə alınan filmdə uzun illər öyrəndiyi kristalların quruluşu ilə xalq sənəti arasında uyğunluq tapan Xudu Məmmədovun xalq sənəti qrammatikasının yazılması ideyasını irəli sürməsindən, xalq sənətinin bütün növlərinin - naxış yaradıcılığının, rəssamlığın, musiqinin eyni kökdən yarandığını sübut etməsindən, bu kökün təbiətin özündə olması qənaətinə gəlməsindən söz açılır. Bu kəşflərin dünya elmində tamamilə yeni səhifə açdığından, bununla Xudu Məmmədovun dünya vətəndaşı haqqını qazandığından danışılır.
Filmin operatoru Zahid Bağırovdur.
Bölmənin digər xəbərləri
