DÜŞMƏN CAVAB ATƏŞİ İLƏ SUSDURULMUŞDUR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan Silahlı Qüvvələrinin bölmələri aprelin 28-də saat 09.35-dən 20.45-dək Noyemberyan və İcevan rayonlarının ərazilərində yerləşən mövqelərindən Azərbaycan Silahlı Qüvvələrinin Qazax rayonu ərazisindəki mövqelərini, saat 12.15-dən 12.35-dək və saat 21.10-dan 21.25-dək Ağdam rayonunun Mərzili və Yusifcanlı kəndləri yaxınlığında yerləşən mövqelərindən, saat 12.40-dan aprelin 29-u saat 01.50-dək fasilələrlə Xocavənd rayonunun ərazisindəki adsız yüksəkliklərdən və Kuropatkino kəndindəki mövqelərindən, saat 15.30-dan 15.40-dək Gədəbəy rayonunun ərazisindəki adsız yüksəkliklərdə yerləşən mövqelərindən, saat 23.20-dən aprelin 29-u saat 02.05-dək fasilələrlə Füzuli rayonunun ərazisindəki adsız yüksəkliklərdən və Aşağı Veysəlli kəndinin yaxınlığında yerləşən mövqelərindən, saat 23.50-dən aprelin 29-u saat 04.40-dək Tərtər rayonunun Qızıloba və Göyarx kəndləri yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
