Edinson Kavani yenidən zədələnib
Bakı, 27 mart, AZƏRTAC
Fransanın “Paris Sen-Jermen” futbol klubunun hücumçusu Edinson Kavani yenidən zədələnib.
AZƏRTAC “L'Equipe” istinadla xəbər verir ki, 32 yaşlı hücumçu Uruqvay milli komandasının heyətində məşq zamanı ayağında yaranan problem səbəbi ilə yenidən yaşıl meydanlardan kənarda qalacaq. Fevral ayındakı zədədən sonra Kavani UEFA Çempionlar Liqasında “Mançester Yunayted” klubu ilə görüşdə cəmi iki dəqiqə meydanda olub.
Xatırladaq ki, uruqvaylı hücumçu “Paris Sen-Jermen”də keçirdiyi 26 oyunda 22 qol vurub. O, Uruqvay millisində isə 109 oyun keçirib və 46 dəfə rəqib qapısına yol tapıb.
Bölmənin digər xəbərləri
