ƏDLİYYƏ NAZİRLİYİ ƏDLİYYƏ SİSTEMİNİN MÜASİRLƏŞDİRİLMƏSİ LAYİHƏSİNİ DAVAM ETDİRİR
Ədliyyə Nazirliyinin mətbuat xidmətindən AZƏRTAC-a bildirmişlər ki, maraqların ifadə edilməsi üçün hazırkı sorğu DG-market on-line jurnalında 2007-ci il mayın 21-də bu layihə üçün dərc olunmuş satınalma üzrə ümumi bildiriş elanının davamıdır.
Azərbaycan Respublikası Hökuməti Ədliyyə Sisteminin Müasirləşdirilməsi Layihəsinin (ƏSML) hazırlanması üçün Beynəlxalq İnkişaf Assosiasiyasından kredit almışdır və bu vəsaitin bir hissəsini layihə çərçivəsində satın alınacaq məsləhət xidmətlərinə - Azərbaycan Respublikası Konstitusiya Məhkəməsinin veb-səhifəsinin yaradılmasına - xərcləmək məqsədi ilə ixtisaslaşmış məsləhətçi şirkətlərin xidmətlərindən istifadə etmək niyyətindədir.
Tapşırığın məqsədi Ədliyyə Nazirliyi ədliyyə sisteminin müasirləşdirilməsi layihəsi çərçivəsində Azərbaycan Respublikası Konstitusiya Məhkəməsinin veb-səhifəsinin yaradılmasıdır.
Marağı olan şirkətlər aşağıdakı tələblərə cavab verməlidir:
*Veb-səhifələrin hazırlanması sahəsində ən azı 2 (iki) illik təcrübəyə malik olmalıdır.
*Məsləhətçi şirkət müvəffəqiyyətlə icra olunmuş ən azı 3 (üç) oxşar layihə barəsində məlumat təqdim etməlidir.
*Tapşırığın yerinə yetirilməsi üçün ixtisaslı işçi heyətinə malik olmalıdır.
Məsləhətçilərin seçimi Dünya Bankının hazırda qüvvədə olan “Dünya Bankından Borcalanlar tərəfindən Məsləhətçilərin Seçilməsi və İşə götürülməsi” təlimat kitabçasında əks olunmuş Məsləhətçi ixtisaslaşması (CQ) satınalma üsulu əsasında həyata keçiriləcəkdir.
Maraqların ifadə edilməsi üçün sənədlərin son təqdimetmə tarixi 2008-ci il iyunun 9-da saat 17:00-dəkdir.
Azərbaycan Respublikasının Ədliyyə Nazirliyinin Təşkilat-Nəzarət Baş İdarəsi (əlaqələndirici şəxs: Ramin Qurbanov, əlaqə telefonu 510-85-59/60, faks 510-76-72, Email:[email protected]; Az1073, Bakı şəhəri, İnşaatçılar prospekti, 1).
