Ədliyyə Nazirliyi inzibati binasında baş verən yanğınla bağlı məlumat yayıb
Bakı, 26 avqust, AZƏRTAC
Ədliyyə Nazirliyi inzibati binasında baş verən yanğınla bağlı məlumat yayıb.
Nazirliyin mətbuat xidmətindən AZƏRTAC-a bildiriblər ki, avqustun 26-da səhər saat 11 radələrində qurumun inzibati binasında ümumi sahəsi 12 kvadratmetr olan otaqda qısaqapanma nəticəsində yanğın baş verib. Binada quraşdırılmış yanğın siqnalizasiya sistemi dərhal işə düşüb, daxili yanğından mühafizə avadanlığı istifadə olunmaqla yanğın təxirə salınmadan söndürülüb.
Eyni zamanda, Fövqəladə Hallar Nazirliyinin Dövlət Yanğından Mühafizə Xidməti dərhal hadisə yerinə gəlib.
Xəsarət alan yoxdur, sənədlərə və avadanlığa ziyan dəyməyib. Hadisənin nazirliyin iş ahənginə heç bir təsiri olmayıb.
Bölmənin digər xəbərləri
