EDUARD ŞEVARDNADZENİN XANIMI VƏFAT ETMİŞDİR
N.Şevardnadze ötən əsrin 60-70-ci illərində jurnalist işləmiş, Tbilisidə çıxan “Mşvidoba kovelta” (“Hamı üçün əmin-amanlıq”) qadın qəzeti redaktorunun müavini vəzifəsində çalışmışdır. 1990-cı illərdə xeyriyyəçilik fəaliyyəti ilə məşğul olmuşdur. Son illər “Gürcüstan qadınları sülh uğrunda mübarizədə” ictimai təşkilatının rəhbəri idi.
Ötən ilin noyabrında prezident vəzifəsindən gedən Eduard Şevardnadze və həyat yoldaşı Tbilisidə, Krtsanisi hökumət iqamətgahının ərazisində onlara məxsus evdə yaşayırdılar.
Eduard Şevardnadzenin özü hazırda Almaniyadadır, Münxendə beynəlxalq konfransda iştirak etmək üçün oktyabrın 19-da oraya bir neçə günlüyə getmişdir. O, Tbilisi hava limanında jurnalistlərə bildirmişdir ki, Almaniya Prezidenti və kansleri ilə görüşməyi planlaşdırır, habelə mühazirə oxuyacaq və mətbuat konfransı keçirəcəkdir.
E.Şevardnadze ötən il noyabrın 23-də Tbilisidə “Qızıl gül inqilabı”dan sonra Gürcüstan ərazisini ilk dəfə tərk etmişdir.
