ƏFQANISTANDA BAŞ VERƏN DAŞQIN NƏTİCƏSİNDƏ HƏLAK OLAN VƏ İTKİN DÜŞƏNLƏR VAR
İnformasiya kanalları ilə yayılan məlumata görə, Əfqanıstanın mərkəzi əyaləti Bamianda baş verən daşqınlar nəticəsində azı 9 nəfər həlak olmuş, 24 nəfər isə itkin düşmüşdür. Ötən həftə isə Hindiquş dağ silsiləsinin ətəklərini də sel basmışdı. BMT-nin Kabildəki nümayəndəsi Manuel Almeyda Silva demişdir ki, “su və palçıq axınları 15 evi dağıtmışdır. Hələlik, cəmi 9 nəfərin meyiti tapılmışdır”. Həmin ərəfədə BMT-nin bir qrup nümayəndəsi dəyən ziyanın həcmini müəyyənləşdirmək, həm də zərər çəkənlərə çadır və adiyallar çatdırmaq üçün hadisə yerinə yollanmışdır.
