ƏFQANISTANIN QƏNDAHAR ŞƏHƏRİNDƏ PARTLAYIŞ OLMUŞDUR
“Azadlıq” radiosunun yaydığı xəbərə görə, Əfqanıstanın cənubunda yerləşən Qəndahar şəhərindəki məsçiddə bazar ertəsi bomba parlayışı nəticəsində 10 nəfər yaralanmışdır. Yerli hakimiyyət orqanları partlayışda talibançıların, yaxud sabiq baş nazir, İslam partiyasının lideri Gülbəddin Hikmətyarın silahlı dəstələrinin əli olduğunu istisna etmirlər. Bazar ertəsi günü Əfqanıstanın şərqindəki Cəlalabad şəhəri də raket atəşinə tutulmuşdur. Xəsarət alan olmamışdır. Dağıntılar var. Əfqanıstan hökuməti ilə danışıq aparmaq üçün Kabilə gələn Böyük Britaniyanın xarici iklər naziri Cek Stro isə demişdir ki, ölkədə təhlükəsizliyin təmin edilməsi əsas məsələ kimi qalmaqdadır.
Bölmənin digər xəbərləri
