ƏKİNLƏRİN SUVARMA SUYU İLƏ TƏMİN EDİLMƏSİNDƏ PROBLEM OLMAYACAQ

17.01.2006 [12:11]
Çap et
A⁺ A^-

AZƏRTAC-ın müxbiri xəbər verir ki, 2005-ci ildə Tovuz rayonunda əkin sahələri əvvəlki illərlə müqayisədə xeyli çox olmuşdur. Bu sahələrin suvarma suyu ilə normal təmin edilməsində Tovuz suvarma sistemləri idarəsi kollektivinin böyük əməyi vardır.

Ötən il ərzində əkinləri suvarma suyu ilə normal təmin edən kollektiv mövcud 32 nasos aqreqatının 30-nu təmir edərək saz vəziyyətə gətirmişdir. Əlibəyli və Aşağı Öysüzlü kəndindəki 250 kilovoltluq, Qızıl Ulğum adlanan ərazidəki iki ədəd 250 kilovoltluq, Ağstafaçay sağ sahil kanalına su ötürən üçpilləli nasos stansiyasında 800 kilovoltluq iki elektrik mühərriki təmir olunaraq istismara verilmişdir.

Bundan əlavə, tikintisi yarımçıq qalmış Tovuzçay su anbarından rayonun Ağdaş adlanan ərazisini suvarma suyu ilə təmin etmək məqsədi ilə tikiləcək nasos stansiyasının və Ağstafaçay sağ sahil kanalından Mülkülü kəndinin ərazisinə su vermək üçün çəkiləcək boru kəmərinin layihə-smeta sənədləri hazırlanmaqdadır.

ƏKİNLƏRİN SUVARMA SUYU İLƏ TƏMİN EDİLMƏSİNDƏ PROBLEM OLMAYACAQ

MÜƏLLİFLƏ ƏLAQƏ

Bölmənin digər xəbərləri