EKOLOGİYA VƏ TƏBİİ SƏRVƏTLƏR NAZİRLİYİ CITES-İN QƏRARINI ƏSASSIZ HESAB EDİR
Nazirliyin Təkrar İstehsal və Bioresursların Mühafizəsi Departamentindən AZƏRTAC-ın müxbirinə bildirmişlər ki, CITES (Kökü kəsilməkdə olan vəhşi fauna və flora növlərinin beynəlxalq ticarəti haqqında Konvensiyanın Katibliyi) görüş iştirakçılarının qəbul etmək niyyətində olduğu kvota haqqında qərarı təsdiq etməsə, bu təşkilata hökumət səviyyəsində etiraz bildirilməli və Beynəlxalq İqtisad Məhkəməsinə iddia ərizəsi verilməlidir.
Xatırladaq ki, bu günlərdə CITES Rusiya, Azərbaycan, Qazaxıstan və Türkmənistan üçün Xəzər nərəkimiləri kürüsünün ixracına qadağa qoymuşdur. İxrac məqsədi ilə yeganə istisna İran üçün edilmişdir. Bu ölkə üçün təkcə fars nərəsinin kürüsünə 44,4 ton kvota ayrılmışdır. Konvensiya Katibliyinin fikrincə, bu, endemik növdür. Nazirlikdən bildirmişlər ki, Xəzərdəki nərəkimilər endemik növə aid deyildir və onların populyasiyaları ümumi ehtiyatlardan ibarətdir. Bütün bunlar 5 Xəzəryanı dövlətdən ibarət komissiyanın CITES-ə təqdim etdiyi “Rusiya nərəsi”nin yarımnövü olan bu balığın Kür, Volqa və Ural çaylarında ovlanmasına kvotalarda təsdiqini tapmışdır.
Bölmənin digər xəbərləri
