EKOLOQLAR SOÇİDƏ OLİMPİYA OBYEKTLƏRİNİN TİKİNTİSİNƏ QARŞI ETİRAZ MİTİNQİ KEÇİRİRLƏR
Ekoloqlar Soçidə 2014-cü il Olimpiadasının təşkilinə qarşı etiraz mitinqi keçirirlər. AZƏRTAC Rusiya KİV-lərinə istinadla xəbər verir ki, mitinqin təşkilatçılarından biri, “Şimal-qərbi Qafqaz üzrə ekoloji növbə” ictimai təşkilatının nümayəndəsi Dmitri Kaptsov bildirmişdir ki, mitinqə gələnlərin əsas tələbləri xüsusi mühafizə olunan ərazilərdə Olimpiya obyektlərinin tikintisi ilə əlaqədar yarana biləcək ekoloji problemlərə aid olacaqdır. Onun sözlərinə görə, söhbət Soçi milli parkı və Soçi dövlət qoruğu ərazilərində tikintiyə qarşı etirazlardan gedir.
Dmitri Kaptsov demişdir: “Mitinq iştirakçıları tələblərini qətnamə şəklində təqdim etmək niyyətindədirlər və o, Qiymətləndirmə komissiyasına göndəriləcəkdir”.
Bölmənin digər xəbərləri
