EKSKAVATOR AVTOBUSUN ÜSTÜNƏ DÜŞMÜŞDÜR: 23 MƏKTƏBLİ HƏLAK OLMUŞDUR

29.04.2004 [17:53]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, Kolumbiyanın paytaxtı Boqotada ekskavatorun avtobusun üstünə düşməsi nəticəsində 23 məktəbli həlak olmuş, 24-ü yaralanmışdır. Faciə paytaxtın iki avtomobil yolunun kəsişdiyi yerdə baş vermişdir.

Şahidlərin dediklərinə görə, ekskavatorun sürücüsü yolda iş gördüyü zaman onu idarə edə bilməmiş və 45 tonluq maşın 20 metr hündürlüyündə estakadadan aşağı yolla gedən avtobusun üstünə düşmüşdür.

Yaralı uşaqların çoxu ağır vəziyyətdədir. Boqotanın meri bildirmişdir ki, hadisə ən kiçik təfərrüatına qədər təhqiq ediləcək, müqəssirlər ciddi cəzalandırılacaqdır.

Məktəbin rəhbərliyi faciə ilə əlaqədar üçgünlük matəm elan etmişdir.