ƏMƏKDAR MƏŞQÇİ NADİR AĞAYEVİN XATİRƏSİNƏ HƏSR OLUNMUŞ RESPUBLİKA TURNİRİ KEÇİRİLİR
Bakı, 31 oktyabr (AZƏRTAC). Oktyabrın 30-dan noyabrın 1-dək Masallı Olimpiya İdman Kompleksində Azərbaycanın əməkdar məşqçisi, idman ustası Nadir Ağayevin xatirəsinə həsr olunmuş yunan-Roma güləşi üzrə yeniyetmələr (1996-1997-ci illər) arasında respublika turniri keçirilir.
Yarışın məqsədi əməkdar məşqçi Nadir Ağayevin xatirəsini yad etmək, yeniyetmələri vətənpərvərlik ruhunda tərbiyə etmək, yunan-Roma güləşinin inkişafına və kütləviliyinə nail olmaqdır. FİLA-nın mövcud qaydalarına əsasən keçirilən turnirdə 32, 35, 38, 42, 47, 53, 59, 66, 73 və 85 kiloqram çəki dərəcələri üzrə (hər çəki dərəcəsində bir idmançı) 17 komandanı təmsil edən 142 idmançı iştirak edir.
Müvafiq çəki dərəcələri üzrə fəxri kürsüyə yüksələn idmançılar Azərbaycan Güləş Federasiyası tərəfindən diplom və medallarla mükafatlandırılacaqdır.
Turnir Azərbaycan Güləş Federasiyası və Masallı rayon Gənclər və İdman İdarəsinin təşkilatçılığı ilə keçirilir.
######
Bölmənin digər xəbərləri
