ERMƏNİLƏRİN NÖVBƏTİ CƏHDİ İFLASA UĞRADI
Azərbaycan nümayəndə heyətinin üzvü Rafael Hüseynovun verdiyi məlumata görə, komitənin iclaslarında bu məsələ ətrafında bir neçə müzakirə aparılmışdır.
Naxçıvan Muxtar Respublikası Culfa rayonunun ərazisindəki qəbiristanlıqda guya erməni xaçkarlarının dağıdılması ilə bağlı Azərbaycana faktaraşdırıcı missiya göndərilməsi barədə ermənilərin cəhdləri baş tutmamışdır.
R.Hüseynovun hazırladığı “Ermənistan ərazisindəki Azərbaycan mədəniyyəti abidələrinin vəziyyəti” və daha əvvəllər təqdim olunmuş “İşğal altındakı torpaqlarda olan Azərbaycan irsinin dağıdılması və qəsb edilməsi” adlı sənədlər əsasında komitə belə qərara gəlmişdir ki, faktaraşdırıcı missiyanı həm Ermənistana, həm də Azərbaycanın işğal altındakı ərazilərinə göndərmək lazımdır. Çünki Ermənistan ərazisində də yüzlərlə Azərbaycan abidəsinin taleyi ciddi narahatlıq doğurur.
Komitənin son iclasında R.Hüseynovun təklifinə əsasən, missiyanın ümumiyyətlə, bütövlükdə Cənubi Qafqaz ölkələrində araşdırmalar aparması qərara alınmışdır.
Faktaraşdırıcı missiyanın işləməsi nəzərdə tutulan ölkələrdən razılıq alındıqdan sonra, mayın sonu - iyunun əvvəllərində Böyük britaniyalı deputatın regiona səfəri gözlənilir.
Bölmənin digər xəbərləri
