Ermənistan əhalisinin 30 faizdən çoxu yəhudiləri öz ölkələrində görmək istəmir
Tbilisi, 2 aprel, AZƏRTAC
“Pew Research Center” təşkilatı yəhudilərə olan münasibəti öyrənmək məqsədilə Mərkəzi və Şərqi Avropanın 18 ölkəsində sosioloji sorğu keçirib.
AZƏRTAC xəbər verir ki, sorğunun nəticələrinə görə, ən çox antisemitizm Ermənistanda müşahidə olunub. Belə ki, Ermənistan əhalisinin 32 faizi yəhudiləri öz ölkələrində görmək istəmir. Bundan başqa, litvalıların 23 faizi, Rumıniya əhalisinin isə 22 faizi yəhudilərə qarşı dözümsüzlük nümayiş etdirib.
Araşdırmalara əsasən, estonların 10 faizi, Gürcüstan, Belarus və Moldova əhalisinin 13 faizi, macarların və rusların 14 faizi, Yunanıstan əhalisinin 16 faizi, polşalıların 18 faizi, çexlərin isə 19 faizi yəhudilərə qarşı antisemit mövqe göstərib. Bir qədər aşağı göstərici Serbiya və Bolqarıstanda (7 faiz), Bosniya və Herseqovinada (8 faiz), Xorvatiya və Latviyada (9 faiz) qeydə alınıb. Antisemitizmin ən aşağı səviyyəsi isə Ukraynada qeydə alınıb - 5 faiz.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
