Ermənistan ordusunun iki əsgəri yaralanıb
Bakı, 30 iyul, AZƏRTAC
İşğalçı Ermənistanın silahlı qüvvələrinin bölmələrindən birində baş verən hadisə zamanı daha iki erməni əsgəri yaralanıb.
AZƏRTAC erməni KİV-lərinə istinadla xəbər verir ki, 2019-cu ilin birinci yarısında hərbi xidmətə çağırılan mühəndis-istehkam bölüyünün hərbi qulluqçusu Bedros Qarabedyan guya təhlükəsizlik qaydalarının pozulması nəticəsində əl nahiyəsindən ağır xəsarət alıb. Onun yaxınlığında olan 5-ci alayın digər əsgəri D.Seto isə üz nahiyəsindən yaralanıb.
Komandanlıq yaralanan hərbi qulluqçuların guya təhlükəsizlik qaydalarının pozulması nəticəsində xəsarət aldıqlarını desə də, hər iki hərbi qulluqçunun Tovuz istiqamətində gedən döyüşlərdə yaralandığı iddia olunur. Nəzərə alsaq ki, Ermənistan Müdafiə Nazirliyi Tovuz istiqamətində həlak olan iki zabitin də mühəndis-istehkam taborunda xidmət etdiyini bildirmişdi, onda iddiaların əsassız olmadığı ortaya çıxır.
Bölmənin digər xəbərləri
