ERMƏNİSTAN SİLAHLI QÜVVƏLƏRİNİN BÖLMƏLƏRİ ATƏŞKƏSİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a bildirmişlər ki, Ermənistan silahlı qüvvələrinin bölmələri aprelin 25-də saat 20:10-dan 20:15-dək Qazax rayonunun Məzəmli kəndinin cənubunda yerləşən mövqelərindən Azərbaycan Silahlı Qüvvələrinin üzbəüz mövqelərini, saat 20:35-dən 20:40-dək Ermənistanın İcevan rayonunun Kayan kəndinin 0,6 kilometr şimal-şərqində yerləşən mövqelərindən Azərbaycan Silahlı Qüvvələrinin Qazax rayonunun Bala Cəfərli kəndi yaxınlığındakı mövqelərini, saat 20:50-dən 20:55-dək İcevan rayonu ərazisindəki Saraqtiqaş dağında yerləşən mövqelərindən Azərbaycan Silahlı Qüvvələrinin Qazax rayonunun Cəfərli kəndi yaxınlığındakı mövqelərini, saat 21:00-dan 21:05-dək İcevan rayonunun Berkaber kəndinin 0,6 kilometr şimal-şərqində yerləşən mövqelərindən milli ordumuzun Qazax rayonunun Qızıl Hacılı kəndi yaxınlığındakı mövqelərini atıcı silahlardan atəşə tutmuşlar.
Düşmənə cavab atəşi açılmışdır. İtki yoxdur.
Bölmənin digər xəbərləri
