Evlərdən qızıl və pul oğurlamış şəxslər yaxalanmışlar
Bakı, 14 noyabr (AZƏRTAC). Binəqədi rayonunda Ofeliya Nəcimovanın evindən iki min manat pul oğurlanmışdır.
Oğurluğu törətmiş Abşeron sakini Adil İbadov rayon polis idarəsinin əməkdaşlarının keçirdikləri əməliyyat-axtarış tədbirləri nəticəsində saxlanılmışdır.
Yevlax rayonunda isə Yusif Məmmədovun evindən qızıl əşyaları oğurlanmışdır.
Bakı Şəhər Baş Polis İdarəsinin və rayon polis şöbəsinin əməkdaşları oğurluq hadisəsini törətmiş Yevlax rayon sakini Kamil Mahmudovu yaxalamışlar.
Sabunçu rayonunda isə Rəşid Şükürova məxsus “VAZ-2106” markalı avtomobil qaçırılmışdır.
Hadisəni törətmiş Xızı rayon sakini Elvin Məmmədov rayon polis idarəsinin əməkdaşları tərəfindən tutulmuşdur.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hər üç faktla bağlı cinayət işi açılmışdır, araşdırmalar aparılır.
Bölmənin digər xəbərləri
