“F-35” qırıcılarının gövdələri Almaniyada istehsal olunacaq
Bakı, 20 fevral, AZƏRTAC
Amerikanın “Lockheed Martin” və “Northrop Grumman” şirkətlər ilə Almaniyanın “Rheinmetall AG” konsern arasında niyyət sazişi imzalanıb. Sazişə əsasən, Amerikanın beşinci nəsil “F-35” qırıcılarının gövdəsinin mərkəzi hissəsi Almaniyada istehsal ediləcək.
AZƏRTAC xəbər verir ki, bu barədə “Asia Pacific Defence Reporter” jurnalı məlumat yayıb.
Məlumata görə, təşəbbüs “F-35” istehsal proqramında Avropa sənayesinin rolunu artırmaq məqsədi daşıyır.
"F-35” mərkəzi gövdəsinin Almaniyada istehsalı 21-ci əsrdə təhlükəsizlik baxımından mühüm əhəmiyyət kəsb edən qırıcılara artan qlobal tələbatı ödəmək üçün həyati əhəmiyyət kəsb edəcək”, - deyə “Lockheed”in müştəri proqramları üzrə vitse-prezidenti Martin Mike Shoemaker qeyd edib.
Bölmənin digər xəbərləri
