Fərid Qayıbov: Bu yarışı keçirməkdə əsas məqsəd türk dövlətlərini bir araya gətirməkdir
Bakı, 8 noyabr, AZƏRTAC
Sevindirici haldır ki, bu gün ölkəmizin müxtəlif şəhərlərində Ümummilli Lider Heydər Əliyevin 100 illik yubileyinə həsr olunmuş bir çox idman tədbiri keçirilir.
AZƏRTAC xəbər verir ki, bu sözləri gənclər və idman naziri Fərid Qayıbov Türkdilli dövlətlər arasında Ümummilli Lider Heydər Əliyevin 100 illik yubileyinə həsr olunmuş beynəlxalq badminton turnirində deyib.
Nazir turnirin keçirilməsinə görə Azərbaycan Badminton Federasiyasının rəhbərliyinə təşəkkürünü bildirib: “Bu yarışı keçirməkdə əsas məqsəd Türk dövlətlərini bir araya gətirməkdir. Belə turnirlərin təşkilinin davam etdirilməsi üçün müzakirələr gedir. Ölkəmizdə bu il xeyli sayda idman tədbirləri baş tutub. Eyni zamanda, idmançılarımız beynəlxalq turnirlərdə iştirak edərək yeni-yeni nailiyyətlər əldə ediblər”.
Bölmənin digər xəbərləri
