FƏXRİYYƏ XƏLƏFOVANIN MODA VƏ DİZAYN MƏRKƏZİ BEYNƏLXALQ MÜKAFATA LAYİQ GÖRÜLMÜŞDÜR
AZƏRTAC xəbər verir ki, İsveçrənin Sürix şəhərində “Nüfuzda və keyfiyyətdə lider” – Avropa-2006 beynəlxalq mükafatı nominantlarının mükafatlandırılması mərasimi keçirilmişdir. Mükafatın təsisçiləri Madriddə yerləşən ACTUALİDAD Nəşriyyat Evi, habelə turizm, iqtisadiyyat və kommersiya məsələlərində ixtisaslaşan eyniadlı jurnaldır. Bu il mükafat 16 ölkədən olan 38 nominanta verilmişdir. Seçimin başlıca meyarları kimi, nominantların biznesin, iqtisadiyyatın müxtəlif sahələrində aparıcı mövqelərinin göstəriciləri, habelə ictimaiyyət tərəfindən tanınma, işgüzar nüfuzun və peşə səriştəliliyinin yüksək səviyyədə olması əsas götürülmüşdür.
Tədbirin təşkilatçılarının və Ekspert Şurası üzvlərinin qərarı ilə Fəxriyyə Xələfovanın Moda və Dizayn Mərkəzi “Nüfuzda və keyfiyyətdə lider”-Avropa-2006 beynəlxalq mükafatına layiq görülmüşdür. Tanınmış Azərbaycan modelyerinə priz və mükafatın vəsiqəsi təqdim edilmişdir.
Bölmənin digər xəbərləri
