DÜNYA
Finlandiyada COVID-19-dan ölənlərin sayı 206 nəfərə çatıb
Stokholm, 30 aprel, Rauf Əliyev AZƏRTAC.
Finlandiyada COVID-19 yoluxanların sayı 4906-ya, ölənlərin sayı isə 206 nəfərə çatıb.
AZƏRTAC Finlandiya KİV-lərinə istinadən xəbər verir ki, son 24 saat ərzində daha 7 nəfər bu xəstəlikdən dünyasını dəyişib. Bununla yanaşı, aprelin 29-da daha 166 yoluxma halı qeydə alınıb. Həmçinin indiyədək 2800-dən çox xəstə infeksiyadan sağalıb.
Hazırda xəstəxanalarda 208 var ki, onlardan 51-i reanimasiyadadır.
Yerli hakimiyyət orqanları Finlandiyada koronavirusa yoluxmuş insanların ehtimal olunan sayının rəsmi rəqəmlərdən daha çox olduğunu bildirib. Belə ki, bu günə qədər yüngül simptomları olan insanların heç də hamısı müvafiq testlərdən keçirilməyib və səhiyyə orqanlarında asimptomatik infeksiyalar barədə məlumat yoxdur.
Xatırladaq ki, Finlandiya hökumətinin qərarına əsasən, ölkədəki laboratoriyalarda gündə təqribən 5500 nəfər testdən keçir.
Rauf Əliyev
AZƏRTAC-ın xüsusi müxbiri
Stokholm