FRANSANIN MÜDAFİƏ NAZİRİ MİŞEL ALYO-MARİ PREZİDENT HEYDƏR ƏLİYEVİN DƏFN MƏRASİMİNDƏ İŞTİRAK ETMİŞDİR
Fransa Respublikasının müdafiə naziri Mişel Alyo-Mari Azərbaycan xalqının dahi oğlu Heydər Əliyevin dəfn mərasimində iştirak etmək üçün Bakıya gəlmişdir.
Xanım Alyo-Mari Azərbaycanın ümummilli lideri, Fransa xalqının sədaqətli dostu Heydər Əliyevlə vidalaşma mərasimi keçirilən Respublika sarayına gələrək, öz ölkəsinin Prezidenti Jak Şirakın adından xalqımızın böyük oğlunun cənazəsi önünə əklil qoymuşdur.
Müstəqil Azərbaycanın Fransada tanınmasında böyük xidmətləri olmuş Heydər Əliyevin cənazəsi önündə baş əyərək ona dərin ehtiramını bildirən Mişel Alyo-Mari ölkəmizin rəhbəri İlham Əliyevə və onun ailə üzvlərinə dərin hüznlə başsağlığı vermişdir.
Bölmənin digər xəbərləri
