GƏNCƏ DƏMİRYOLÇULARI ULU ÖNDƏRİN 85 İLLİYİNİ TƏNTƏNƏ İLƏ QEYD ETMİŞLƏR
AZƏRTAC xəbər verir ki, ümummilli liderimiz Heydər Əliyevin 85 illiyi ilə əlaqədar Gəncə dəmiryol stansiyasında təntənəli yubiley mərasimi keçirilmişdir.
Respublikamızın qərb bölgəsi dəmiryolçularının iştirakı ilə keçirilən tədbirdə Azərbaycan Dövlət Dəmir Yolunun rəis müavini İsfəndiyar Kərimov, idarənin qərb bölgəsi üzrə nümayəndəsi Füzuli Kərimov, stansiya rəisi Maarif Abdullayev, fəhlə Dilqəm Məmmədov və başqalarI iqtisadiyyatımızın inkişafında mühüm rol oynayan dəmir yolunun inkişafına diqqət və qayğı göstərmiş ulu öndərin xidmətlərindən danışmışlar.
Tədbirdə qeyd olunmuşdur ki, qısa vaxt ərzində durğunluqdan çıxan Azərbaycan dəmir yolu bu gün dünyanın bir çox ölkələrinin dəmir yolu sistemi ilə rəqabət aparır. Hazırda ölkədən ixrac olunan məhsulların yarıdan çoxu dəmiryol xətti vasitəsilə daşınır.
Yubiley mərasimi incəsənət ustalarının çıxışları ilə başa çatmışdır.
Bölmənin digər xəbərləri
