“GƏNCƏ ŞƏHİDLƏRİ” KİTABININ TƏQDİMAT MƏRASİMİ OLMUŞDUR

29.04.2006 [11:39]
Çap et
A⁺ A^-

AZƏRTAC-ın müxbiri xəbər verir ki, tanınmış yazıçı-jurnalist Əhməd İsayevin “Gəncə şəhidləri” kitabının təqdimatı olmuşdur. Torpaqlarımızın bütövlüyü uğrunda 500 nəfər şəhid vermiş və 8 nəfər Milli Qəhrəmanı olan Gəncənin mərd oğullarından bəhs edən kitaba ön sözü şəhər icra hakimiyyətinin başçısı Eldar Əzizov yazmışdır.

Ümummilli liderimiz Heydər Əliyevin vaxtilə dediyi “Vətəni müdafiə etmək, şəhid olmaq, Vətən naminə özünü fəda etmək duyğuları, hissləri indi bütün Azərbaycanda hökm sürməlidir” sözləri ilə açılan kitabın təqdimat mərasimində çıxış edən Gəncə Şəhid Anaları Cəmiyyətinin sədri Qeysun Babayeva, şəhid ailələri və başqaları bu xeyirxah işə görə müəllifə minnətdarlıqlarını bildirmiş, Gəncənin qəhrəmanlıq salnaməsinə daxil olmuş bu mərd mübarizlərin adlarının əbədiləşdirilməsində və gələcək nəsillərə çatdırılmasında kitabın əhəmiyyətindən danışmışlar.

Əhməd İsayev tədbir iştirakçılarına və kitabın yazılmasında ona dəstək olan insanlara minnətdarlığını bildirmişdir.