Gəncədə baş vermiş güclü yanğın söndürülmüşdür
Bakı, 14 noyabr (AZƏRTAC). Gəncə şəhərinin Kəpəz rayonunda ümumi sahəsi 384 kvadratmetr olan ikimərtəbəli səkkiz otaqlı evdə
güclü yanğın qeydə alınmışdır. Hadisə nəticəsində evin ikinci mərtəbəsinin tavanı və dam örtüyü 192 kvadratmetr, evə bitişik talvar isə 160 kvadratmetr sahədə yanmışdır.
Fövqəladə Hallar Nazirliyinin mətbuat xidmətindən AZƏRTAC-a bildirmişlər ki, əraziyə cəlb olunmuş yanğınsöndürənlər alovun qarşısını almış, evin qalan hissəsini yanğından mühafizə etmişlər.
Paytaxtın Qaradağ rayonunda “Mercedes” markalı minik avtomobili yanmışdır. Yanğınsöndürənlər alovun yaxınlıqdakı avtomobillərə keçməsinə imkan verməmişlər.
Binəqədi rayonunda avtomobil təmiri sexində baş vermiş yanğın oradakı boyaq maddələrinin yanması ilə nəticələnmişdir.
Hadisələrlə əlaqədar hüquq mühafizə orqanları tərəfindən təhqiqat aparılır.
Bölmənin digər xəbərləri
