GƏNCƏDƏ FAŞİZM ÜZƏRİNDƏ QƏLƏBƏNİN 63-CÜ İLDÖNÜMÜ TƏNTƏNƏ İLƏ QEYD EDİLMİŞDİR
AZƏRTAC xəbər verir ki, faşizm üzərində Qələbənin 63-cü ildönümü Gəncədə təntənə ilə qeyd edilmişdir.
Mayın 9-da sinəsini orden və medallar bəzəmiş yüzlərlə müharibə və əmək veteranı, şəhər ictimaiyyətinin nümayəndələri, məktəblilər Sovet İttifaqı Qəhrəmanı İsrafil Məmmədovun abidəsi önünə toplaşmışdılar.
Faşizmə qarşı döyüşlərdə canlarından keçmiş qəhrəman Azərbaycan oğul və qızlarının xatirəsi bir dəqiqəlik sükutla yad edildikdən sonra havaya yaylım atəşi açılmışdır.
Şəhərin rəhbərliyi, tədbir iştirakçıları qəhrəmanın məzarını ziyarət etmiş, üzərinə əklil və gül-çiçək dəstələri düzmüşlər.
Əsgərlər musiqi sədaları altında təntənəli surətdə qəhrəmanın abidəsi önundən keçmişlər.
Qələbə bayramının xoş ovqatı bütün gün davam etmişdir.
Bölmənin digər xəbərləri
