GƏNCLƏR BAM-I ABADLAŞDIRMAĞA DƏVƏT EDİLİR

29.04.2004 [18:39]
Çap et
A⁺ A^-

AZƏRTAC-ın müxbiri xəbər verir ki, hazırda bütün Rusiyada inşaatçı peşələrinə yiyələnmiş və iki ay ərzində tayqadakı Magistralnı və Ulkan qəsəbələrində işləməyə hazır olan ən yaxşı tələbələri seçirlər. Tələbələr abadlıq işləri ilə məşğul olacaq, stadionlar tikəcək, xokkey meydançalarını bərpa edəcək, səkilərə asfalt döşəyəcək, Ulkan qəsəbəsində isə vağzalyanı meydanı yenidən quracaqlar.

İrkutsk Vilayəti Gənclər Komitəsinin sədri Vitali Barışnikov demişdir: “Ulkan stansiyasını Azərbaycan Respublikasının inşaatçıları tikmişlər. O, BAM boyunca salınmış ən gözəl qəsəbələrdən biridir. Bir neçə bina Azərbaycan milli memarlıq üslubunda tikilmişdir. Burada heykəltəraş Cümşüd İbrahimovun yaratdığı əfsanəvi qəhrəman Fərhadın tunc heykəli qəsəbəyə xüsusi gözəllik verir. Abidə bərpa ediləcək, onun özülü möhkəmləndiriləcək, meydan abadlaşdırılacaqdır”.

Vitali Barışnikov ümidvardır ki, BAM-ın 30 illiyi ilə bir vaxta salınmış bu aksiya yeganə belə tədbir olmayacaqdır. Məsələn, Ust-Kutun hakimiyyət orqanları da tələbələri şəhərin abadlaşdırılmasına cəlb etmək niyyətindədirlər. Tələbələr iki ay ərzində adambaşına 10 min rubl qazana bilərlər. Onların gediş-gəliş, yemək və yataq xərclərini isə yerli bələdiyyələr ödəyəcəklər.

GƏNCLƏR BAM-I ABADLAŞDIRMAĞA DƏVƏT EDİLİR

MÜƏLLİFLƏ ƏLAQƏ