Gənclər üçün Təhsil Mərkəzi qanvermə aksiyası keçirmişdir
Bakı, 9 may (AZƏRTAC). Şuşa şəhərinin işğal günü il bağlı Gənclər üçün Təhsil Mərkəzi Ağcabədi rayonunda silsilə tədbirlər keçirmişdir.
Mərkəzdən AZƏRTAC-a bildirmişlər ki, tədbir iştirakçıları əvvəlcə torpaqlarımızın azadlığı uğrunda gedən döyüşlərdə şəhid olmuş qəhrəmanlarımızın əziz xatirəsini anmışlar.
Tədbir iştirakçıları Şuşada döyüşlərdə iştirak etmiş, həmçinin şəhid ailələrinin üzvləri ilə görüşmüş məcburi köçkün gənclərin sosial fəaliyyəti onların təhsil və ictimai fəaliyyətinin artırılması istiqamətində geniş müzakirələr aparmışlar.
Sonda Şuşa döyüşlərində həlak olmuş Vətən övladlarının xatirəsini anmaq məqsədilə rayon ictimaiyyəti, xüsusən də gənclər arasında qanvermə aksiyası keçirilmişdir.
Aksiyada 50-dən çox şəxsdən toplanan qan müvafiq laboratoriya müayinəsindən keçirildikdən sonra talassemiya xəstəliyindən əziyyət keçən xəstələrə veriləcəkdir.
Qanvermə aksiyası Gənclər üçün Təhsil Mərkəzi ilə Qan Donorları Assosiasiyasının birgə tərəfdaşlığı çərçivəsində həyata keçirilmişdir.
Bölmənin digər xəbərləri
