Gənclər və İdman Nazirliyi ölkədə keçirilən daxili idman yarışlarının canlı yayımına start verib
Bakı, 12 fevral, AZƏRTAC
Gənclər və İdman Nazirliyi ölkədə keçirilən daxili idman yarışlarının canlı yayımına start verib.
Nazirlikdən AZƏRTAC-a bildiriblər ki, ilk sınaq fevralın 11-də voleybol üzrə Azərbaycan çempionatında “Azərreyl” - UNEC qarşılaşması olub. UNEC-in 3:2 hesabı ilə qalib gəldiyi oyun nazirliyin feysbuk, instaqram səhifələrində və yutub kanalında canlı yayımlanıb. Yayım Avropa Voleybol Konfederasiyasının da diqqətini çəkib və bu barədə qurumun rəsmi saytında da xəbər paylaşılıb.
Nazirlik, Dövlət Bədən Tərbiyəsi və İdman Akademiyasının texniki dəstəyi ilə qarşıdakı günlərdə voleybol üzrə kişi və qadın liqalarının növbəti oyunlarını, gimnastika üzrə ölkə çempionatını, eləcə də təqvim üzrə digər növlər üzrə çempionatları da canlı yayımlamağı qarşıya məqsəd qoyub. Canlı yayım zamanı oyunları nazirlik əməkdaşları ilə yanaşı, federasiyaların mütəxəssisləri şərh edəcəklər.
Bölmənin digər xəbərləri
