“GƏNCLƏRİN SEÇKİ FƏALLIĞININ ARTIRILMASI” MÖVZUSUNDA SEMİNAR KEÇİRİLMİŞDİR
Tədbir mayın 13-də 44 saylı Sumqayıt-Abşeron seçki dairəsində Milli Məclisə keçiriləcək təkrar seçkilərdə iştirak edəcək vətəndaşların demokratik dövlət və seçkilər haqqında biliklərini artırmaq məqsədi ilə təşkil olunmuşdur.
MSK hüquq şöbəsinin baş məsləhətçisi Rafiq Abbasov, Abşeron Rayon İcra Hakimiyyətinin nümayəndəsi Rəna Rəsulova, gənclər və idman idarəsinin rəisi Əsgər Əmirəliyev, Azərbaycan Təfəkkür Gənclər Assosiasiyasının prezidenti Fəxrinur Hüseynli seçkilərin keçirilməsi mexanizmindən, vətəndaşların seçki qaydalarına düzgün riayət etmələrindən, seçkilərin demokratik və şəffaf keçirilməsində gənclərin fəallığının əhəmiyyətindən danışmışlar.
Sonra Seçki Sistemləri üzrə Beynəlxalq Fondun (İFES) nümayəndələri gənc seçicilərin bu sahədəki biliklərini yoxlamaq üçün sorğu keçirmiş və onların suallarını cavablandırmışlar.
Bölmənin digər xəbərləri
