“Globo” telekanalı: Braziliyada bəndin dağılması nəticəsində ölənlərin sayı 84 nəfərə çatıb
Bakı, 30 yanvar, AZƏRTAC
Braziliyanın cənub-şərqində yerləşən Minas-Jerays ştatında metallurgiya sənayesi tullantılarının olduğu suyu saxlayan bəndin uçması nəticəsində ölənlərin sayı 84-ə çatıb. Onlardan 46 nəfərin şəxsiyyəti müəyyənləşdirilib. Habelə 276 insanın taleyi məlum deyil. Bu barədə “Globo” telekanalı məlumat yayıb.
AZƏRTAC TASS informasiya agentliyinə istinadla xəbər verir ki, regional yanğın xidmətinin rəsmisi telekanala müsahibəsində çərşənbə axşamı hadisə yerində sağ qalan insanların tapılmadığını, kimisə sağ tapmaq ehtimalının çox aşağı olduğunu söyləyib.
Xatırladaq ki, hadisə yanvarın 25-də baş verib.
Bölmənin digər xəbərləri
