GÖMRÜK İŞÇİLƏRİNƏ SERTİFİKAT VERİLMİŞDİR
Dövlət Gömrük Komitəsinin Tədris Mərkəzində Avropa Birliyinin “Cənubi Qafqazda narkotiklərə nəzarət proqramı” (SYAD) çərçivəsində Bakı Beynəlxalq Dəniz limanında çalışan 25 nəfər gömrük əməkdaşı üçün keçirilən təlim kursu başa çatmışdır. Komitənin mətbuat xidmətindən bildirmişlər ki, avropalı ekspertlər beş günlük kursda gömrük əməkdaşlarına narkotiklərin müəyyən edilməsi, narkotik maddələrin qeyri-qanuni istehsalı və ticarətinə qarşı mübarizə zamanı daha yaxşı nəticələr əldə etmək məqsədilə müvafiq vərdiş və biliklər, dəniz ticarəti ilə bağlı qazanılmış təcrübə və konteynerlərin axtarılması, gəmilərə baxışın keçirilməsi, sağlamlıq və texniki təhlükəsizlik, limanda qəbul edilmiş qaydalar, konteynerlərdən, yük maşınlarından qaçaqmalçılıq, narkotiklərin gizlədilməsi üçün istifadə və s. mövzularda təlim keçilmişdir. Kursu bitirənlərə sertifikat təqdim olunmuşdur.
