Gömrükçülər narkotik vasitə aşkarlayıblar
Bakı, 2 mart, AZƏRTAC
Gömrükçülər narkotik vasitə aşkarlayıblar.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında “Mazımçay” gömrük postunda Gürcüstandan “Mercedes-Benz” markalı avtomobil ilə gələn həmin ölkə vətəndaşı saxlanılıb. Sorğu-sual zamanı vətəndaş idarə etdiyi nəqliyyat vasitəsində və üzərində gömrük nəzarətindən gizlədilən və bəyan edilməyən hər hansı predmetin, o cümlədən narkotik vasitə, psixotrop maddələrin olmadığını bildirsə də, şəxsi yoxlama zamanı vətəndaşa məxsus pul qabının içərisində olan bir ədəd kağız bükülüdə çəkisi 2 qram olan narkotik vasitə - marixuana aşkarlanıb.
Faktla bağlı araşdırma aparılır.
Bölmənin digər xəbərləri
