Görkəmli oftalmoloq alim, akademik Zərifə Əliyeva xalqımızın qəlbində həmişə yaşayacaqdır
Ağcabədi, 1 may (AZƏRTAC). Ağcabədi Rayon Mərkəzi Xəstəxanasında görkəmli oftalmoloq alim, akademik Zərifə xanım Əliyevanın anadan olmasının 91-ci ildönümünə həsr edilmiş tədbir keçirilmişdir.
AZƏRTAC xəbər verir ki, tədbirdə rayon mərkəzi xəstəxanasının baş həkimi Novruz Abbasov çıxış edərək görkəmli oftalmoloq alim Zərifə xanım Əliyevanın zəngin və mənalı ömür yolundan, həkimlik fəaliyyətindən, tibb elminə verdiyi dəyərli töhfələrdən, əsl pedaqoq kimi gənc mütəxəssislərin yetişməsindəki rolundan, yüksək insani keyfiyyətlərindən danışmışdır.
Tədbirdə çıxış edənlər Z. Əliyevanı xalqını, Vətənini dərin məhəbbətlə sevən əsl Azərbaycan qadını kimi xarakterizə etmişlər.
Qeyd olunmuşdur ki, bütün ömrünü insanların sağlamlığına həsr edən Zərifə xanım Əliyeva yüksək daxili mədəniyyəti, incə qəlbi, elmə sədaqəti ilə qədirbilən xalqımızın xatirəsində həmişə yaşayacaqdır.
Bölmənin digər xəbərləri
