GÖRÜLƏN BÜTÜN İŞLƏR BAŞA ÇATDIRILMIŞDIR
Avropa Komissiyası tərəfindən Fövqəladə Yardım Proqramı çərçivəsində Azərbaycana ayrılan 30 milyon avronun xərclənən üçdə iki hissəsi hesabına görülən bütün işlər başa çatdırılmışdır. Bu barədə müxbirimizə məlumat verən baş nazirin müavini Abid Şərifov demişdir ki, həmin vəsaitlə işğaldan azad olunmuş Füzuli rayonunda 350 evin və 5 orta məktəbin bərpası, Bakı və Sumqayıt şəhərləri daxil olmaqla, Abşeron yarımadasında yerləşən yaşayış məntəqələrinin içməli suya və irriqasiya suyuna olan təlabatın 50 faizini təmin edən Ceyranbatan su anbarının ekoloji mühafizəsi, yüksək gərginlikli hava xətlərinin çəkilişi, radioaktiv tullantıların basdırılması məqsədilə “İzotop” Mərkəzinin, Şəmkir kanalının Gəncə çayınadək olan hissəsinin tikintisi, vərəmli məhkumlar üçün Binə təcridxanasında müalicə korpusunun inşası, AİDS laboratoriyasının müasir avadanlıqla təchizi, metronun “Həzi Aslanov” stansiyasının inşası və digər mühüm obyektlərin istifadəyə verilməsi təmin edilmişdir.
