GÜLƏŞÇİLƏRİMİZ BEYNƏLXALQ TURNİRDƏ İŞTİRAK EDƏCƏKLƏR
AZƏRTAC xəbər verir ki, martın 3 və 4-də Özbəkistanin Daşkənd şəhərində sərbəst və yunan-Roma güləşi üzrə beynəlxalq qran-pri turniri keçiriləcəkdir.
Yarışlarda Azərbaycanın 14 pəhləvanı iştirak edəcəkdir. Sərbəst güləş üzrə yığma komandanın baş məşqçisi Aslan Ağayevin rəhbərlik etdiyi komandanın heyətində Allahverdi Vəliyev (55 kq), Cəbrayıl Həsənov (60 kq), Etimad Qurbanov (60 kq), Vüsal Həsənov (66 kq), Zahid Mirzəyev (74 kq), Temraz Novruzov (84 kq) və Xızır Durqayev (104 kq) təmsil olunurlar.
Yunan-Roma güləşi üzrə milli komandanın məşqçisi Bəhram Mürvətov isə yığmanın heyətinə Rövşən Bayramov (55 kq), Cavid Abdullayev (55 kq), Vitali Rəhimov (60 kq), Fuad Əliyev (60 kq), Fərid Mansurov (66 kq), Elbrus Məmmədov (66 kq) və İlqar Abdulovu (74 kq) daxil etmişdir.
Beynəlxalq dərəcələri hakimlər Fərəqət Calalov və Zakir Məmmədov yarışları idarə edəcəklər.
Bölmənin digər xəbərləri
